ఐతే.....అసంపూర్ణం

పదనిసలే పలుకులైతే...
జిగిబిగి వెలుతురులే చూపులైతే..
ఉల్లాసమే ఊపిరైతే ....
వికాసమే బాటైతే...
అనందమే బ్రతుకు ఐతే..
జీవితం అసంపూర్ణం...
మనుగడ నడిదూరమే...

బీ.టెక్ పరీక్ష భయం::

అడుగుల చప్పుడు రే'పెను ' అలజడి..
అడిగే ప్రశ్నల జాబుకు తడబడి...
పుస్తకం ఎదుట.. కన్నులు నిలబడి...
సంఖ్యల పరుగున వేటలో వెనుబడి...
ఆలోచనకే అవకాశం కొరవడి...
విషయం 'బట్టీ' మార్కులు వడివడి...
ఙ్ఞానం శూన్యం...కేవలం రాబడి..
దారిని తెలుపదు...దాహం తీర్చదు...
మార్కుల వేలం..' ఆల్ ఇన్ వన్ ' మూల్యము..

'సౌమ్య'o

అపరంజి చూపు చిగురించిన సౌమ్యం..
అమృత సలిలంబు సేవించిన సౌమ్యం..
అచ్చెరువొందు     అందము సౌమ్యం..
అక్కరకొచ్చు       బంధము సౌమ్యం...
లేలేత      మనసున  కోరిక సౌమ్యం..
తేనెల    మాటల  మురిపం సౌమ్యం...
తేటగీటిన    తెనుగు పద్యం సౌమ్యం.
స్నేహగీతమునకు సాక్షం నీవు సౌమ్యం....

సౌమ్య కు జన్మదిన శుభాకాంక్షలు..

ఇరుపది వయస్సున అడుగిడినా...
బుడిబుడి నడకల పసిపాపాయివే...
చిరు మందహాసం ముఖమున విరియగా..
అలజడి వరుసలు సమసిపోవునే...
అల్లరి చేష్టల పిల్లనగ్రోవి లా..
ఆనందం పంచి ఇచ్చేటి స్నేహమా..
ఆయువు నిండుగా వెలుగగా..
హాయిగ వికసించు పారిజాతమా..

నేడు

నేడు కనుమూస్తున్నాను..
రేపు తెరుస్తాను అన్న నమ్మకంతో...
నేడు ముగిస్తున్నాను..
రేపు పూర్తిచేయగలను అన్న విశ్వాసంతో...
నేటికీ రేపుకీ...గంటల వ్యవధి..
అయినా రేపు ఏమిటో నిక్కచ్చిగా  తెలియనిది...
అందుకే చేతిలోని నేడు ఎంతో విలువైనది...

చినుకు

ఆకాశం  భూమి నడుమ దూరాలు ఎన్ని?
ఏనాడో వీడిన స్నేహాలు అన్ని...
తొలకరి చినుకు చిగురించును మైత్రిని...
ఇరువురను కలపగ తంటాలు ఎన్ని!
మధ్యవర్తికి బహుకష్టం సుమీ!
పైనుండి పలకరింపు తేవంగ ..
                 .......నేల పులకరించును!
కిందటి కవ్వింపులను  చేర్చగా....
                ....... మేఘమై మైమరపించును!
ఇరువురను కలపగ తంటాలు ఎన్ని!
ఋతువులు  మారంగ రుపం మారును....
మైత్రికి  నాంది చినుకే పలుకును....

FREEDOM IS NOT FREE- SHIV KHERA