బలం - బలగం

బలగం బలం గా భావించా...

బలహీనత అని తెలిసేసరికి 

జాప్యం జరిగింది ..

ఏ దారం పై ఆధారపడితే

పతంగు లా ఎగిరానో..

అది తెగిన వేళ నేల కు

రాలి పడతానని తెలిసేసరికి

జాప్యం జరిగింది ..

నూ నె ను నమ్ముకున్న ప్రమిదల ఉండాలా.. 

కార్చిచ్చు మల్లె.. ఎగసి అడివిని ఆరగించాలా..

అంతర బల ప్రదర్శనకు దిగాలా

ఆంతర్య బలదర్శన కై ఆగాలా

పక్కన నిలబడని ప్రపంచాన్ని నిందించాలా..

ప్రపంచం తో కలబడే వాళ్ళ పక్క నిలబడాలా..

సశేషం అంటూ.. సాగతీయాలా..

శేషం లేకుండా సమాధి చేయాలా..

నాలో నువ్వై || నీలో నేనై

నాలో నువ్వై || నీలో నేనై
*********************

మదిలో మొదలై ఎదలో ఎడమై..
ఎదలో రాగం మదిలో మౌనం..

మదిలో పాటై ఎదలో ఎడబాటై..
ఎదలో వసంతం మదిలో శిశిరం..

మదిలో చెలివై ఎదలో చినుకై..
ఎదలో ప్రణయం మదిలో ప్రళయం..

మదిలో సఖివై ఎదలో అతిథై..
ఎదలో గమనం మదిలో గమ్యం..

మదిలో విధియై ఎదలో వ్యధనై..
ఎదలో గారం మదిలో భారం..

మదిలో వరమై ఎదలో రవమై..
ఎదలో అమరం మదిలో సమరం..

మదిలో పలుకై ఎదలో పలుగై..
ఎదలో గేయం మదిలో గాయం..

మదిలో మెరుపై ఎదలో ఉరుమై..
ఎదలో యోగం మదిలో యాగం..

మదిలో అలవై ఎదలో శిలనై..
ఎదలో పదిలం మదిలో శిధిలం..

మదిలో కొలువై ఎదలో కలనై..
ఎదలో కవనం మదిలో ఖననం..

మదిలో ఆశై ఎదలో అడియాశై..
ఎదలో యజ్ఞం మదిలో స్థితప్రజ్ఞం..

మదిలో ధ్యాసై ఎదలో శ్వాసై..
ఎదలో ధ్యానం మదిలో దైన్యం..

మదిలో శిశువై ఎదలో శవమై..
ఎదలో జననం మదిలో మరణం..

నేను ఎవరు?

మూసిన తలుపుల
లోపల ముగిసెను ఓ ప్రాణం!!
సూర్యుని రాకతో
మసిగా మారెను ఓ ప్రాణం!!
వెంబడే రాబందుల
వేటకు ఒరిగెను ఓ ప్రాణం!!
సారపు భూమి లో
కూరుకు పోయెను ఓ ప్రాణం!!
కురిసే వర్షములోనూ
కాలిపోయెను ఓ ప్రాణం!!
కపటపు నవ్వులలో
నలిగెను ఓ ప్రాణం!!
అణచిన దేవుడే
మరచిన ఓ ప్రాణం!!
తనువుకు చావును
తెచ్చేటి ఓ ప్రాణం!!

ఎవరూ..??
నేను ..ఎవరూ??..
ఎవరూ..??
నేను..  ఎవరూ??..

నువ్వు  వెలుగు..
మరి నేను.. ఎవరు?

నువ్వు  వర్షం
మరి నేను.. ఎవరు?

ఓ.. ఎవరూ..? ఎవరూ...?

రైలు వెతికి వచ్చి చచ్చిపడిన..
నేను ఎవరు?

పూల చెట్టుకు వేలబడుతున్న..
నేను ఎవరు?

నదిలో చచ్చిన మీనులా తేలుతున్న..
నేను ఎవరు?

కుమ్మరి గుడిసెలో కాలిపోతున్న..
నేను ఎవరు?

సామి రథాలు చేరువకాని..
నేను ఎవరు?

మీరు ముట్టని నీరు తాగే
నేను ఎవరు?

ఊరు గోడకు  నెట్టబడిన..
నేను ఎవరు?

మీ మలాల గుంట లో శ్వాస విడిచిన..
నేను ఎవరు?


నాదే ఏలుబడి అని చెప్పారు..
నేను బానిసను అనీ అనుకున్నారు

దుక్కి దున్నిన చేతులు
పోరు చేసే చేతులవునా?


చావు లోనూ.. నీలంగా మారుతున్న
నేను ఎవరు?

పూడిస్తే ..నీలసంద్రంలో తేలుతున్న
నేను ఎవరు?

చావు లోనూ ..నీలంగా మారుతున్న
నేను ఎవరు?

పూడిస్తే ..నీలసంద్రంలో తేలుతున్న
నేను ఎవరు?

Credits: " Naan Yaar" song

Film : Pariyerum Perumal ( 2018 Tamil)

నీకూ నాకూ అంతరం

బ్రహ్మ అంటావు నువ్వు..
భ్రమ అంటాను నేను..
కులం అంటావు నువ్వు..
గుణం అంటాను నేను..
విశ్వాసం అంటావు నువ్వు..
శ్వాస అంటాను నేను..
దైవం అంటావు నువ్వు..
దైవకణం అంటాను నేను..
మరుజన్మంటావు నువ్వు..
ఉన్నదొకటి చాలంటాను నేను..
పురాణాలంటావు నువ్వు..
పురాతనం అంటాను నేను..
నవగ్రహాలు అంటావు నువ్వు..
సూర్యచంద్రులు గ్రహాలే కాదంటాను నేను..
వాస్తు అంటావు నువ్వు..
వేస్టు అంటాను నేను...
భక్తి అంటావు నువ్వు..
యుక్తి అంటాను నేను..
ఉందంటావు నువ్వు..
లేదంటాను నేను..
అనంతం అంటావు నువ్వు..
అంతరం అంటాను నేను..

నిరర్ధపు కుల గళం...

రాష్ట్రం దాటితే 99% మంది కులాల పేర్లు కూడా ఎవడికీ తెలీదు...
దేశం దాటితే పాస్ పోర్ట్ మినహా  మరో గుర్తింపు ఉండదాయే..
గొప్పదని డప్పేసుకునే నీ కుల వృత్తిని చేయటానికి నీకు  చేతకాదు చేయి రాదు ..
ఇంక ఎంత చదివి ఏం లాభం ...
నోటి దుర్గంధం చేతి దురద ..
పక్క తడిపే
స్వీయనియంత్రణ లేని
పనికి రాని పిల్లి కూత లే
నీకు గాండ్రింపు లు
కొవ్వు పేరుకుపోయి
ప్రవహించు చిక్కని రక్తం
కలిగించే గుండె పోటు
కదా నీ కుల గళపు ఠీవి!!

ద్వేషపు యుద్ధం

నాదే నాదే!!